प्रहरीद्वारा मनिषाको पोष्टमार्टम रिर्पोट सार्वजनिक, रूद्रनारायणले झुट बोलेनन्

जिल्ला प्रहरी कार्यालय नवलपरासीले मनिषा घर्ती मगरको शव पोष्टमार्टम रिपोर्ट बुधबार सार्वजनिक गरेको छ। आज बिहान पत्रकार सम्मेलन गरेर शिक्षण अस्पताल काठमाडौंले पठाएको पोष्टमार्टम रिपोर्ट नवलपरासी प्रहरीले सार्वजनिक गरेको हो। पोष्टमार्टम रिर्पोटमा मनिषाको मृत्यु ह्यांगिङका कारण भएको पत्र आफूहरुलाई प्राप्त भएको प्रहरी निरीक्षक प्रकाश सापकोटाले जानकारी दिए। ‘मनिषाको घाँटीमा डोब देखिएको र उनको ह्यांगिङकै कारण मृत्यु भएको हुनसक्ने पोष्टमार्टम रिर्पोटमा उल्लेख छ,’ उनले भने,‘ यस विषयमा थप अनुसन्धान जारी छ।’ त्यस्तै मनिषाको हत्या अभियोगमा पक्राउ परेका उनका प्रेमी आशिष भन्ने रूद्रनारायणको पोलिग्राफबाट कुनै नयाँ कुरा पत्ता नलागेको उनले बताए। ‘पहिला उनले जे भन्दै आएका थिए, पोलिग्राफ टेष्टमा पनि साँचो नै देखियो’, उनले भने। प्रहरीले रुद्रनारायणसँग मंगलबार बिहान ८ बजेदेखि १ बजेसम्म पोलिग्राफ टेष्ट लिएको थियो। पोखराबाट गएको टोलीले रूद्रनारायणसँग जिल्ला प्रहरी कार्यालयमा नै पोलिग्राफ टेस्ट गरेको थियो। रूद्रनारायण हाल प्रहरी नियन्त्रणमा छन्।

Labels: National