विमलकी बहिनीको मृत्युपछि पारसले मुख खोले, भन्छन्- हामी छाड्दैनौं…

काठमाडौं, १४ जेठ । नेपाली राष्ट्रिय क्रिकेट टोलीका कप्तान पारस खड्काले राष्ट्रिय फुटबलर विमल घर्तीमगरकी बहिनी मनिषा घर्तीको मृत्यु प्रकरणबारे आफ्नो धारणा राखेका छन् ।सामाजिक सञ्जाल फेसबुकमार्फत उनले घटनाप्रति दुःख व्यक्त गर्दै आफू यो खबरले स्तब्ध भएको उल्लेख गरेका छन् । उनले यस दुःखद घडीमा विमल एक्लो नभएको बताउँदै आफू लगायत सम्पूर्ण खेल जगत उनको पक्षमा रहेको र साथ नछाड्ने उल्लेख गरेका छन् । ‘विमल घर्ती मगरको बहिनीको दुखद निदनको खबरले म धेरै दुखी भए । विमल यो दुखद घडिको सामना गर्दै छिट्टै बाहिर निस्किने छन् । सम्पुर्ण खेल समुदाय तिम्रो साथमा छ ।’ बिमलकी बहिनी मनिषा बुधबार राति आफ्नै घरमा मृत फेला परेकी थिइन् । उनको शवलाई काठमाडौं ल्याएर पोस्टमार्टम गरिदैछ । dainiknepal

Labels: National