भैसीलाई पानी खुवाउन हिडेकी महिलामाथि सामुहिक बलात्कार
बुटवल । कपिलवस्तुको शिवराज नगरपालिका नौडिहवाकी बोल्न नसक्ने महिलामाथि सामुहिक बलात्कार भएको छ ।
भैसी चराउँदै करिब ७ बजे साँझ वबइ खोलामा पानी खुवाउन गएकी ३५ वर्षे चौधरी महिला आइतबार बलात्कृत भएकी हुन् ।
अउनको अवस्था गम्भीर छ । सोमबार साँझसम्म पनि उनी अर्धचेत अवस्थामा छिन् ।
टाउकोमा गम्भीर चोट लागको छ । शरीरभरी दाँतले टोकके डाम छन् । हातखुट्टामा रसीले बाँधेका जस्ता देखिने छाप छन् । रक्तस्राव रोकिएको छैन ।
आइतबार साँझ आफन्तले उपचारका लागि लुम्बिनी अञ्चल अस्पताल ल्याएका थिए ।
टाउकोको चोट गम्भीर भएको र महिला अचेत भएकाले उपचार हुन नसक्ने बताउँदै अस्पतालले भैरहवा मेडिकल कलेज रिफर गरेको छ ।
बलात्कारमा चन्द्रौटामा रहेको विन्दवासिनी गणका १० जना सशस्त्र प्रहरी संलग्न रहेको महिलाले सांकेतिक भाषामार्फत आफन्तलाई बताएकी छिन् ।
हातखुट्टा बाँधेर १० जनाले पालैपालो बलात्कार गरे उनको बोली उद्धृत गर्दै भाउजुले बताइन् । नमानेपछि टोक्ने, ढुगाांमा ठोक्ने र कुट्ने पनि गरेका थिए ।
ती महिला राति घस्रिदै नजिकैका छिमेकीको घरमा आएर गुहार मागेकी थिइन् कान्तिपुर दैनिकमा समाचार छ ।
0 comments
Write Down Your Responses