ओली सरकार ढाल्ने निर्णयबाट किन पछि हटे प्रचण्ड ? यी हुन् मुख्य चार कारण .....
काठमाडौं, २३ वैशाख । एमाले नेतृत्वको वर्तमान सरकार ढालेर आफ्नै नेतृत्वमा नयाँ सरकार बनाउने निर्णयबाट एमाओवादी पछि हटेको छ ।
एमाओवादीका एक नेताका अनुसार सरकार परिवर्तनमा संवैधानिक कानुनी जटिलता देखेपछि एमाओवादी अध्यक्ष पुष्पकमल दाहाल प्रचण्ड पार्टीको सरकार फेर्ने निर्णयबाट पछि हटेका हुन् ।
यही जटिलताका कारण प्रचण्डले नेपाली कांग्रेसका सभापति शेरबहादुर देउवासँग तत्काल ओली नेतृत्वको सरकार छाड्न नसकिने बताउँदै अली हतार भएको बताएका थिए । देउवासँगको छलफलबाटै प्रचण्ड सरकार ढाल्ने निर्णयबाट औपचारिक रुपमै पछि हटे ।
यस्ता छन् प्रचण्ड पछि हट्नुका मुख्य चार कारणः
१) एमाओवादीबाट सरकारमा प्रतिनिधित्व गर्ने मन्त्रीहरुले सरकार नछोड्न प्रचण्डलाई दबाब दिनु ।
२) अविश्वासको प्रस्तावमा पनि नियमावलीका कारण झमेला हुने देखिनु ।
३) सहमतिको सरकार बनाउने भनेर सरकार परिवर्तन लागेपनि एमालेले नीति तथा कार्यक्रम र बजेट पास नभएसम्म सरकार नछाड्ने, एमाओवादीको नयाँ सरकारलाई साथ पनि नदिने अडान ।
४) जेठ १५ पछि एमालेले आफै प्रचण्डलाई प्रधानमन्त्रीमा सिफारिस गर्ने प्रस्ताव ।
0 comments
Write Down Your Responses