कांग्रेसले संसद अवरुद्ध गरिरहँदा भित्रभित्रै प्रधानमन्त्रीको भयकंर तयारी!
स्थानीय निर्वाचनबारे आयोगसँग छलफल
काठमाडौं, १३ असार ।
प्रमुख प्रतिपक्षी दल नेपाली कांग्रेसले व्यवस्थापिका संसदका बैठक निरन्तर अवरुद्ध गरिरहँदा प्रधानमन्त्री केपी शर्मा ओली संविधान कार्यान्वयनका लागि भित्रभित्रै तयारी गरिरहेका छन् । बजेट संसदमा रोकिएपछि ओली संविधान कार्यान्वयनको महत्वपूर्ण पक्ष स्थानीय निर्वाचन गराउन जुटेका हुन् ।
वर्तमान सरकारले स्थानीय निर्वाचन मंसिरमा गर्ने घोषणा गरिसकेको छ । सोही मितिमा स्थानीय निर्वाचन गराउन ओलीले भित्रि तयारी थालेको उनका प्रमुख सल्लाहकार विष्णु रिमालले जानकारी दिए । यसैक्रममा ओलीले सोमबार निर्वाचन आयोगको भ्रमण गर्दै स्थानीय निर्वाचन गराउने सरकारको योजना र तयारीबारे जानकारी गराएका छन् । विहान १० बजे आयोग कार्यालय पुगेका प्रधानमन्त्री ओलीले निर्वाचनबारे कायम मुकायम प्रमुख आयुक्त आयोधीप्रसाद यादवसँग छलफल गरे ।
0 comments
Write Down Your Responses