दयाहाङ राईका बानी र स्वभावबारे पत्नी बेनुकालाई १०१ प्रश्न :अभिनेता दयाहाङ रिसाएपछि “डेन्जर”
रंगमञ्चबाट कलाकारिता क्षेत्रमा प्रवेश गरेका दयाहाङ राई अचेल ठूलो पर्दाका स्टार हुन् ।
‘दासढुंगा’ ‘लुट’, ‘बधशाला’ ‘कबड्डी’, ‘झोले’, ‘कबड्डी कबड्डी’लगायतका हिट सिनेमा दिएका उनको पछिल्लो चलचित्र ‘हाउ फन्नी’ शुक्रबार रिलिज भएको छ ।
तुलनात्मक रूपमा अन्य अभिनेताभन्दा उनी सोझा र सामान्य जीवनशैली भएका मानिन्छन् । दयाहाङका बानी र स्वभावबारे पत्नी बेनुका राईलाई १०१ प्रश्न
: १. तपार्इंहरूको बिहे कहिले भएको ?
२०६५ फागुन ९ गते बिहे गरेका हौँ, सात वर्ष भयो ।
२. प्रेम विवाह कि मागी विवाह ?
लभ म्यारिज नै हो । तर, परिवारको अनुमतिमै बिहे गरेका हौँ ।
३. पहिलोपल्ट कहाँ भेट भयो दुईजनाको ?
मेरो रेकर्डिङ थियो बागबजारमा । मेरो साथीको उहाँ पनि साथी हुनुहुँदो रहेछ, सँगै आउनुभएको थियो । त्यहीँ पहिलोपल्ट हाम्रो भेट भयो ।
४. त्यसपछि निरन्तर भेट हुन थाल्यो ?
निरन्तर नभए पनि भेट हुन्थ्यो । उहाँले राम्रो कार्यक्रममा मलाई पनि जानुपर्छ भने बोलाउनुहुन्थ्यो ।
५. एक–अर्कालाई मन पराउने कुरा तपाईंहरूलाई कहिले थाहा भयो ?
एक–अर्कालाई केयर गर्ने गरिन्थ्यो । एक वर्षपछि त्यस्तो फिलिङ भयो ।
६. कसले पहिला प्रस्ताव गर्नुभयो ?
प्रस्ताव त उहाँले नै गर्नुभएको हो ।
७. के भन्नुभएको थियो ?
‘मैले तिमीलाई धोखा दिँदै छु । हामीबीच राम्रो साथीको सम्बन्ध छ, तर मैले त्योभन्दा फरक ढंगले सोचेको छु । तिमी के ठान्छ्यौ ?’ भनेर भन्नुभयो ।
८. अनि तपाईंले तत्कालै स्वीकार गर्नुभयो ?
गरिनँ नि । मलाई सोच्न एक–दुई दिनको समय दिनुहोस् भनँे । पछि मात्रै मैले पनि ओके भनेँ
। ९. डेटिङ कत्तिको गर्नुहुन्थ्यो ?
त्यस्तो डेटिङ नै भनेर त हुँदैनथ्यो । भेटघाटचाहिँ भइरहन्थ्यो ।
१०. डेटिङका लागि कस्ता ठाउँहरू रोज्नुहुन्थ्यो ?
यही ठाउँ भनेर होइन । तर, कहिले मेरो रेकर्डिङको सिलसिलामा, कहिले कार्यक्रममा त कहिले चिया खाने ठाउँहरूमा भेट गथ्र्याँै ।
११. घरमा कति पछि थाहा पाए ?
दुई–तीन वर्षपछि थाहा भयो । उहाँ त्यतिवेला काकाकाकीसँग बस्नुहुन्थ्यो, बिस्तारै आफ्नो घरमा भन्नुभयो । मैले पनि सुरुमा दिदीसँग भनँे, पछि बुबाले पनि थाहा पाउनुभयो ।
१२. घरबाट कुनै आपत्ति भएन ?
भएन । हाम्रो बुबा त्यस्तोमा आपत्ति जनाउने मान्छे होइन । उहाँको घरबाट पनि त्यस्तो आपत्ति थिएन ।
१३. विवाह कतिपछि गर्नुभयो ?
सात वर्षपछि बिहे गर्यौँ ।
१४. बिहानको खाजामा के लिनुहुन्छ ?
बिहानमा प्राय: खाजा नै खानुहुन्न । पानी मात्रै धेरै पिउने गर्नुहुन्छ ।
१५. खानामा के मन पराउनुहुन्छ ?
दालभात, तरकारी नै खानुहुन्छ ।
१६. माछामासु कत्तिको रुचाउनुहुन्छ ?
मासु त एकदमै मन पराउनुहुन्छ । खानासँग मासु नभई हुँदैन भन्दा पनि हुन्छ । पोर्क एकदमै मीठो मान्नुहुन्छ । माछा पनि रुचाउनुहुन्छ ।
१७. दिउँसो खाजा के खानुहुन्छ ?
दिउँसो प्राय: घरमा हुनुहुन्न । के खानुहुन्छ, टुंगै हुन्न ।
१८. रातिको खानामा के रुचाउनुहुन्छ ?
राति पनि त्यही दालभात, तरकारी, मासु नै हो ।
१९. दिनमा कति कप चिया–कफी खानुहुन्छ ?
त्यस्तै, चार–पाँच कप हुन्छ होला ।
२०. घरमा खाना कसले पकाउँछ ?
प्राय: मैले नै पकाउँछु, नानी (दिदीकी छोरी) पनि छ, उसले पनि पकाउँछे ।
२१. कसले पकाएको धेरै मन पराउनुहुन्छ ?
मैले पकाएको मीठो मान्नुहुन्छ होला (हाँसो) । नानीले पकाएको पनि मीठो मान्नुहुन्छ ।
२२. खानामा कमेन्ट गर्ने स्वभाव कत्तिको छ ?
बानी त छैन । जहिले पनि ‘मीठो छ’ नै भन्नुहुन्छ । मेरो मन राख्न पनि भन्नुभएको होला ।
२३. किन नि त्यस्तो ?
प्राय: कार्यक्रममा बाहिर गइरहनुहुन्छ । घरमा भएका वेला पनि ‘मीठो भएन’ भन्दा, सँगै खाइनदिँदा नराम्रो लाग्न सक्छ भन्ने सोच्नुहुन्छ होला ।
२४. त्यस्तो केही संकेत पाउनुभएको छ र ?
काठमाडौंमै हुँदा पनि साथीभाइले सँगै खान बोलाउँछन्, घरमा मैले पकाएकी हुन्छु । साथीहरूलाई पनि नाइँ भन्न सक्नुहुन्न । त्यसरी बाहिर खाँदा ‘घरमा पनि खानुपर्छ’ भन्दै खाना नथपेको थाहा पाएकी छु ।
२५. कहिलेकाहीँ आफैँ किचनमा पस्नुहुन्छ कि पस्नुहुन्न ?
पहिला–पहिला दुईजना मात्रै हुँदा त पस्नुहुन्थ्यो, पकाउनु पनि हुन्थ्यो । तर, अचेल म नै पकाएर खुवाउँछु ।
२६. के–के पकाउन आउँछ उहाँलाई ?
धेरै मीठो होइन, सामान्य काम चलाउ सबै परिकार पकाउन आउँछ ।
२७. सबैभन्दा मीठो के पकाउनुहुन्छ ?
अन्डाको परिकार मीठो पकाउनुहुन्छ ।
२८. उहाँले पकाएको तपार्इंले खान नपाएको कति भयो ?
चार–पाँच वर्ष भयो होला ।
२९. कहिलेकाहीँ पकाउन भन्नुहुन्न ?
समय नै पाउनुहुन्न । ‘कति वेला तिमीलाई पकाएर खुवाऔँ ?’ भनेर आफैँ भन्नुहुन्छ । पकाएर खुवाउनुभन्दा अचेल उहाँले एक कप चिया मसँगै खाइदिए पनि खुसी हुन्छु ।
३०. उहाँले पकाएको तपाईंलाई सबैभन्दा मीठो लागेको कुन परिकार हो ?
एकपटक अन्डाकरी बनाएर खुवाउनुभएको थियो । साह्रै मीठो लागेको थियो ।
३१. तपार्इंले पकाएको उहाँले सबैभन्दा मीठो के मान्नुहुन्छ ?
पोर्क (बंगुर)को मासु मीठो मान्नुहुन्छ ।
३२. बिहान कति बजे उठ्नुहुन्छ ?
राति अबेर सुत्नुहुन्छ, बिहान ढिलो उठ्नुहुन्छ । उठ्दा करिब आठ बजिसकेको हुन्छ ।
३३. चिया–कफी के रुचाउनुहुन्छ ?
उठ्नेबित्तिकै पानी खानुहुन्छ । त्यसपछि कालो चिया खानुहुन्छ ।
३४. एक्सरसाइज गर्नुहुन्छ कि गर्नुहुन्न ?
प्हिला–पहिला त गर्नुहुन्थ्यो । क्लब जानुहुन्थ्यो । तर, अचेल धेरै भयो जानुहुन्न ।
३५. किन छाड्नुभएको नि ?
समय नै हुन्न । लेट नाइट सुत्नुहुन्छ, उठ्दा ढिलो हुन्छ । अनि, काममा लाग्नुहुन्छ ।
३६. योगा पनि गर्नुहुन्न ?'
योगामा रुचि त छ । तर, गर्नुभएको छैन ।
३७. राति कतिखेर सुत्नुहुन्छ ?
सुत्दा कम्तीमा पनि एक बजेको हुन्छ ।
३८. सुत्नुअघि केही खाने बानी छ ?
पानी खानुहुन्छ, जतिसक्यो धेरै पानी खानुपर्छ भन्ने छ उहाँको ।
३९. पत्रपत्रिका कत्तिको पढ्नुहुन्छ ?
पढ्नुहुन्छ । फुर्सद हुँदा समाचार हेर्नुहुन्छ ।
४०. टेलिभिजनमा समाचार कति हेर्नुहुन्छ ?
टेलिभिजनमा त त्यति हेर्नुहुन्न । घर बसे पो हेर्नु ?
४१. आफ्नोबारेमा आएका समाचार हेरेपछि कस्तो प्रतिक्रिया जनाउनुहुन्छ ?
राम्रा समाचार आउँदा सबै खुसी नै हुन्छन् । उहाँको बारेमा नराम्रा समाचार प्राय: आएका नै हुँदैनन् । त्यसैले समाचारका बारेमा धेरै प्रतिक्रिया नै जनाउनुहुन्न ।
४२. सिनेमा हेर्न कति मन पराउनुहुन्छ ?
सिनेमा हेर्न त एकदम मन पराउनु हुन्छ ।
४३. कस्ता फिल्म रुचाउनुहुन्छ ?
अहिलेका नयाँ सिनेमा त हेरिहाल्नहुन्छ । पुराना सिनेमाहरू प्नि एकदम मन पराउनुहुन्छ ।
४४. टेलिभिजनमा कत्तिको हेर्नुहुन्छ ?
घरमै हुनुहुन्न । टेलिभिजन त हेर्नै पाउनुहुन्न ।
४५. बूढाबूढी भएर सिनेमाहलमै गएर सिनेमा कत्तिको हेर्नुहुन्छ ?
प्हिला–पहिला त धेरै हेरिन्थ्यो । अचेल सँगै धेरै हेर्न पाएका छैनौँ ।
४६. गुनासो गर्नुहुन्न ? उहाँले भ्याउनुहुन्न, के गुनासो गर्नु ?
उहाँ आफँैलाई पनि फिल हुँदो हो, मैले समय दिन सकेको छैन भनेर । पछिल्लोपल्ट उहाँको फुर्सद हुँदा ककनी घुम्न गएका थियौँ ।
४७. पछिल्लोपल्ट सँगै हेरेको सिनेमा कुन हो ?
उहाँका सिनेमा रिलिज भएका त सबै हेरेका छौँ । अर्को ‘लुटेरा’ पनि हेर्यौँ ।
४८. टेलिभिजनमा सिरियल कत्तिको हेर्नुहुन्छ ?
सिरियल त हेर्नुहुन्न । मैले पनि हेर्दिनँ सिरियल ।
४९. गीत कत्तिको सुन्नुहुन्छ ?
गीत त मन पराउनुहुन्छ, सुन्नुहुन्छ ।
५०. कस्ता गीत रुचाउनुहुन्छ ?
आधुनिक गीतहरू बढी मन पराउनुहुन्छ ।
५१. तपाईंलाई खाजा–खाना खुवाउन रेस्टुरेन्ट कत्तिको लैजानुहुन्छ ?
पहिला त जान्थ्यौँ, तर अचेल उहाँलाई समय नै हुँदैन । कम गइन्छ ।
५२. गुनासो गर्नुहुन्न ?
त गुनासो गर्न मन लाग्छ, तर फेरि आफँै उहाँको ठाउँमा बसेर सोच्छु । त्यसपछि गुनासो नै गर्दिनँ ।
५३. रेस्टुरेन्ट जाँदा कस्तो ठाउँ मन पराउनुहुन्छ ?
सकभर शान्त ठाउँ मन पराउनुहुन्छ ।
५४. बाहिर जाँदा के खान रुचाउनुहुन्छ ?
चिल्ली आइटमहरू मन पराउनुहुन्छ । प्राय: स्पाइसी खाना नै खानुहुन्छ ।
५५. परिवारलाई कति समय दिनुहुन्छ ?
अहिले त समय दिनुभएको छैन भन्दा नै हुन्छ । छोरालाई घुमाउन लैजान्छु भनेर पटक–पटक भन्नुहुन्छ, तर उहाँले बिर्सनुहुन्छ । मैले भने सम्झिरहेकी हुन्छु ।
५६. कतिवेला परिवारलाई समय दिनुहुन्छ ?
काठमाडौंमा भएका वेला साँझमा वा बिहानमा हो ।
५७. परिवारसँग बसेका वेला कस्ता कुराकानी गर्नुहुन्छ ?
सबै खालका हुन्छन् । परिवारका कुराकानी धेरै हुन्छन्, प्रोफेसनल कामका बारेमा हुन्छन्, अरू विषयमा पनि हुन्छन् ।
५८. विदेश जाँदा तपाईंलाई सँगै लैजान कत्तिको मन पराउनुहुन्छ ?
विदेश त अहिलेसम्म सँगै गएका छैनौँ, तर सँगै लैजान मन पराउनुहुन्छ । काठमाडौंमै हुने कार्यक्रममा लैजाने पनि गर्नुहुन्छ ।
५९. आफूले लगाउने लुगामा कत्तिको सचेत हुनुहुन्छ ?
पटक्कै सचेत हुनुहुन्न । आज लगाएको लुगाको बारेमा उहाँलाई भोलि थाहा हुन्न ।
६०. के लगाउन रुचाउनुहुन्छ ?
हल्का कटनका लुगा मन पराउनुहुन्छ । क्याजुअल लुगा नै मन पराउनुहुन्छ । औपचारिक लुगामा ‘कम्फर्ट’ फिल गर्नुहुन्न ।
६१. तपाईंले ‘टिप टप’ भएर हिँड्न सुझाब दिनुहुन्न ?
‘औपचारिक कार्यक्रममा यसरी जानुपर्छ’ भन्ने गरेकी छु । बाँकी त उहाँको आफ्नो रुचिको कुरा पनि हो । त्यहीअनुसार लगाउनुहुन्छ ।
६२. भनेपछि फेसनमा कत्ति पनि रुचि छैन ?
अब आफैँ विचार गर्नुस्, उहाँ कति बेपरबाह हुनुहुन्छ भने मैले अहिलेसम्म कपालमा काइँयो लगाएको देखेकी छैन । जबकि पुरुष मान्छेले पर्समा, खल्तीमा काइँयो बोकेर वेला–वेला कपाल कोरेको देखिन्छ ।
६३. लुगामा आइरन गर्न जान्नुहुन्छ कि जान्नुहुन्न ?
जान्नुहुन्छ । आफैँ गर्नुहुन्छ पनि ।
६४. तपाईंको लुगामा पनि लगाइदिनुहुन्छ कि आफ्नो मात्रै लगाउनुहुन्छ ? ‘
यो मेरो काम, बाँकी तेरो काम’ भन्नुहुन्न । परेको वेला लगाइदिनुहुन्छ ।
६५. आफ्ना लागि लुगा आफैँ किन्नुहुन्छ कि अरूले किनिदिनुपर्छ ?
प्हिला–पहिला त सँगै गएर किन्थ्यौँ । तर, पछिल्लो समय उहाँसँग जान छाडेकी छु, आफैँ किन्नुहुन्छ ।
६६. किन नि ?
उहाँलाई मान्छेहरूले घेरिहाल्नुहुन्छ । झ्याउ लाग्छ । एउटा फाइदाचाहिँ हुन्थ्यो, पसलेले ‘हेभी डिस्काउन्ट’ दिन्थ्यो ।
६७. कुन ब्रान्डका लुगा मन पराउनुहुन्छ ?
केटा मान्छेहरू ब्रान्डका भने सौखिन हुँदा रहेछन्, हामी महिला भने मन परेको लगाइहाल्छौँ ।
६८. लुगा आफैँ धुनुहुन्छ कि तपाईंले धोइदिनुपर्छ ?
पहिला त आफैँ पनि धुनुहुन्थ्यो । अचेल धुनुहुन्न ।
६९. सहयोगी कत्तिको हुनुहुन्छ ?
सहयोगी त हुनुहुन्छ । समय हुँदा सघाउनुहुन्छ ।
७०. कहिलेकाहीँ तपाईंका लुगा पनि धोइदिनुभएको छ ?
धोइदिनुभएको छ ।
७१. आफ्नो आम्दानी तपाईंलाई दिनुहुन्छ कि आफैँ राख्नुहुन्छ ?
कमाएको सबै थपक्क ल्याएर मलाई नै दिने हो उहाँले ।
७२. आफूले कत्ति पनि राख्नुहुन्न ?
सुरुमा राख्नुहुन्न । पछि चाहिने रकम मसँगै माग्नुहुन्छ ।
७३. उहाँको खर्च केमा हुन्छ ?
त्यही सुटिङमा जाँदा, साथीभाइसँग बस्दा हो नि । केटा मान्छेहरूको केमा खर्च हुन्छ र ?
७४. एउटा सिनेमा खेलेको कति पारिश्रमिक लिनुहुन्छ ?
त्यो त भन्नुहुन्न भन्छन् नि (हाँसो) । मलाई थाहा पनि छैन ।
७५. एकपटकमा आफ्नो आम्दानी तपाईंलाई कति राख्न दिनुभएको छ ?
१०–१२ लाखसम्म दिनुभएको छ ।
७६. पैसाको बारेमा परिवारमा कहिल्यै किचलो भएको छ कि छैन ?
पैसाकै लागि भनेर त भएको छैन ।
७७. तपाईंले उहाँसँग पैसा माग्नुुहुन्छ कि हुन्न ?
पैसा मसँग नै हुन्छ, माग्नैपर्दैन ।
७८. रिसाउने बानी कति छ ?
खासै रिसाउनुहुन्न । तर, रिसाउनुभयो भने ‘डेन्जर’ हुनुहुन्छ ।
७९.डेन्जर भनेको कस्तो ?
चर्को बोल्नुहुन्छ, बोल्नुहुन्न धेरैबेर ।
८०. कस्ता कुरामा रिसाउनुहुन्छ ?
एउटै कुरा दोहोर्याउँदा झर्किनुहुन्छ । ‘भयो अब सुनिसकेँ’ भन्नुहुन्छ ।
८१. रिसाएपछि के गर्नुहुन्छ ?
बोल्नुहुन्न धेरैबेर । तर, नबोलीकन धेरै बस्न सक्नुहुन्न ।
८२. रिसाएपछि कसले पहिला फकाउँछ ?
फकाउने त उहाँले नै हो । आफैँ बोल्न आउनुहुन्छ । मलाई त हाँसो लाग्छ । मेरो रिस पनि त्यति हुन्न ।
८३. के भनेर फकाउनुहुन्छ ?
बोल्नुहुन्छ । बरु, ‘कहिलेकाहीँ त तिमीले पनि अगाडि बोले हुने नि’ भन्नुहुन्छ । हाँसो मात्रै लाग्छ मलाई ।
८४. अरूको रिस घरमा कत्तिको रिफ्ल्याक्ट हुन्छ ?
तनाव त हुन्छ होला, तर ‘रिफ्ल्याक्ट’ गर्नुहुन्न । मैले सोधँे पनि उहाँलाई । ‘म घर जान भनेपछि १० मिनेट अगाडिदेखि घरको बारेमा मात्रै सोचेर हिँड्छु’ भन्नुभयो ।
८५. परिवारका सदस्यलाई गाली कति गर्नुहुन्छ ?
त्यस्तो त गर्नुहुन्न । ८६. रिसले वा मायाले कहिल्यै पिट्नुभएको छ ? पिट्ने काम त कहिल्यै गर्नुभएन ।
८७. माया गरेर तपाईंलाई के भनेर बोलाउनुहुन्छ ? ‘
नानी’ भन्नुहुन्छ ।
८८. तपाईंले चाहिँ के भनेर सम्बोधन गर्नुहुन्छ ?
पहिला दयाहाङलाई छोटो बनाएर ‘हाङ’ भन्थेँ । त्यसको अर्थ राजा हो । अचेल छोराले पापा भन्छ । सबैले पापा नै भन्छौँ ।
८९. जिद्दी गर्ने स्वभाव कत्तिको छ ?
अरू कुरामा त त्यस्तो जिद्दी गर्नुहुन्न, तर खाने कुरामा उहाँलाई सम्झाउन सकिन्न ।
९०. कस्तो खाने कुरामा भन्नुभएको ?
बिरामी हुँदा, स्वास्थ्यले साथ नदिँदा पनि उहाँलाई मन लागेको खानै पर्छ । कसैले सम्झाउनै सक्दैन । चिल्लो, पिरो, मासु जतिभन्दा पनि खान छाड्नुहुन्न ।
९१. चुरोट–खैनी खानुहुन्छ कि खानुुहुन्न ?
चुरोट पहिलादेखि नै खानुहुन्छ ।
९२. कुन चुरोट खानुहुन्छ ?
साथीहरूसँग बसेका वेला सूर्य लाइट भनेको सुनेकी छु ।
९३. दिनमा कति खानुहुन्छ ?
पाँच–सातवटा खानुहुन्छजस्तो लाग्छ ।
९४. छाड्न भन्नुहुन्न ? एकपटक दाँतमा समस्या देखिएपछि खान छाडेको थियो । फेरि खान थाल्नुभयो । छाड्नुस् भनेर कर त गरेकी छैन, तर ‘तपाईंको स्वास्थ्य हो, बिग्रिने कुरामा ख्याल गर्नुहोला’ भन्ने गरेकी छु । ९५. रक्सी कत्तिको खानुहुन्छ ?
खानुहुन्छ, तर मात्ने गरी होइन । खाए पनि उस्तै हो, नखाए पनि उस्तै हो ।
९६. कुन रक्सी खानुहुन्छ ?
ह्विस्की, रम खानुहुन्छ ।
९७. तपाईं खानुहुन्छ कि खानुहुन्न ?
वाइन खान्छु ।
९८. रोमान्टिक कत्तिको हुनुहुन्छ ?
रोमान्टिक नै हुनुहुन्छ ।
९९. गीत कत्तिको गुनगुनाउनुहुन्छ ?
गुनगुनाउनुहुन्छ । बाथरुममा हुँदा, लुगा लगाउँदा गुनगुनाउनुहुन्छ । गीत पनि गाउनु त हुन्छ, तर मीठो होइन । उहाँले गाउन थालेपछि म त हाँसेको हाँस्यै हुन्छु ।
१००. नाच्नचाहिँ कस्तो नाच्नुहुन्छ ?
तपाईंहरूले देख्नुभएकै छ, बिजोग छ ।
१०१. घरमा कत्तिको नाच्नुहुन्छ ?
तीन वर्षको छोरो छ, ऊ रोयो भने नाच्नुहुन्छ । उहाँ नाच्यो भने छोरो पनि हाँस्छ । बिहान बिहान नाचेर हामीहरुलाई पनि हसाउनुहुन्छ । खगेन्द्र पन्त\नयाँ पत्रिकाका : साभार
0 comments
Write Down Your Responses