प्रचण्डले पार्टीको नाम परिवर्तन गर्ने, यस्तो छ नयाँ नाम ....
काठमाडौं, १ जेठ । माओवादीका नेताहरूले एकतापछि पार्टीको नाम फेर्न सकिने विषयमा छलफल भइरहेको जनाएका छन् ।
तर, नाम के राख्ने भन्ने विषयमा छलफल अझै जारी रहेको नयाँ पत्रिका दैनिकले समाचार छापेको छ ।
एकीकृत माओवादी नै नाम राख्ने, युद्धकालकै नाम नेकपा (माओवादी) राख्ने अथवा नेपाल कम्युनिस्ट पार्टी मात्रै राख्ने विकल्पमा छलफल भइरहेको नेताहरूले बताएका छन् ।
नेकपा (माओवादी) संयोजक मातृका यादवले नाम पुरानै राख्न नेताहरूको बैठकमा लिखित प्रस्ताव नै राखेका छन् ।
प्रचण्डले पनि नामका विषयमा आफू लचक हुन तयार रहेको बताएका छन् ।
यस्तै माओवादीका चार समूहले मोहन वैद्यविनै जेठ पहिलो साता पार्टी एकता गर्ने भएका छन् ।
प्रचण्ड नेतृत्वको एमाओवादीसाग एकता गर्न नेकपा (क्रान्तिकारी माओवादी)का महासचिव रामबहादुर थापा बादलको नेतृत्वमा बहुमत सदस्य, मातृका यादवको नेकपा (माओवादी), मणि थापाको क्रान्तिकारी कम्युनिस्ट पार्टी र नेत्रविक्रम चन्दको नेकपा माओवादीका केही केन्द्रीय नेताहरूबीच सहमति भएको छ ।
माओवादी समूहहरू मिलेर एकताको राष्ट्रिय महाधिवेशनमा जाँदै छन् ।
त्यसैले अहिले ४९९ सदस्य रहेको महाधिवेशन आयोजक समिति बन्ने भएको छ ।
यो समितिमा एकीकृत माओवादीका तीन सय र बादल नेतृत्वको माओवादीका १६१ जना सदस्य रहनेछन् ।
बाँकी ३८ जना मातृका यादव, मणि थापा र विप्लव समूहका केही सदस्य पर्नेछन् ।
त्यस्तै, लामो समयदेखि निष्क्रिय रहेका जयपुरी घर्ती र कुमार दाहाल पनि आयोजक समितिमा रहनेछन् ।
0 comments
Write Down Your Responses